Boka tardi

Na fuku-fuku di boka tarde

na madorna sol sukundi kabesa,
brinkadera komesa
pa ka fla korida,
na trabessa tanki
dentu fodjada mamai
n'brudjadu kai na fixon

murmuri baxu pa katxor ka obi,
boka na kumpanheru
mó na katxu d'obo
rabadidja skecedu
pamodi k sta na moda é katxor na mota

ora bem,
ora bai
orbadju kai
massapé kola na mama kadera
kanto leti ta kai
boka dja abriba.

Imagem