terça-feira, 22 de janeiro de 2013

Desabafu

Pára bu pensa bu odja
si inda bu ka teni sodadi di mi
ka bu imgana bu finadu
nha xintidu dja kontam
nha spritu dja txuputim
ma inda kel txau ka txigau garganta

pensa bu ta xinti
palpa bu ta odja
ma inda nhas bafus sta na bu kangoti
ma gostu di nha pele sta na bu lingua
ma nha kabadura inda sta rolau na garganta
ma nhas bejus inda sta na kabesa bu fanadu

fitxa odju bu flam
si kel korpu rapiadu ki bu ta xinti
si é ka teson di nha korpo oras ki lumi subi
k'm ta txomau
k'm ta txupau
k'm ta puxau pa mi
k'm ta fogau kabesa biroti na nha tomate

fitxa odju bu flam si kel asu ki bu sta xinti nas bus bexus
si é ka nhas bexus na di bó ta mordi
ta transa bu lingua na di meu
flam oras ki bu deta si bu ka ta xinti nhas seios
ta rolau na kosta
nha rabadidja ta rabolau na gran

pensa bu flam si kel stikon ki bu ta xinti na fanadu
si é ka nha garganta
oras k'm ta puxa
k'm ta inguli
lebi lebi
mansu mansu
kel kabadura ki na um gritu bu ta largal

pensa bu flam.

imagem

1 comentário:

  1. emodi nha kretcheu. djan odja ma bu sta disbocada ki nem travão na boca bu ka sta poi mas. Brincadeira. Estive a ver o teu blog e tens poemas bonitas, umas mais ausadas do que outras, mas a mente é livre pra pensar e leva nos até onde queremos.Bem haja e fico á espera que me convides pra assistir a uma noite de poesia, ouvindo e vendo te declamar. bjs

    ResponderEliminar