terça-feira, 27 de janeiro de 2015

Ninguem

Pretu, pretu 
Ti ki ta bira burmedju
Korpu runhu
Folgu lambiki
Kombersu santu

Na labada nha kumera
Xintidu perde’l
Parede riska
Penedu gemi
Puera sukudi

N’gosta’l na mi sima boi
N’rema’l sima fodjada
Sòka labanta
Ku boka prindadu na pó 
Tentason bira kal
Dedu nega tamboru
N’torsi, n’monhongui
N’rabida’l na paladar
N’susti’l lingua n’latxi

Preto barusku
Kada bes ki di meu n’gosta na di sel
Tinta’l si bexu ta inkardi’m sangui.

Sem comentários:

Enviar um comentário