quarta-feira, 29 de abril de 2015

xintidu finu

gosi k'm txiga kasa
odju kapridu
stangu fuliadu
spritu lapidu

pensamentu sata ladridja
tudu bes ki é tranka ku bu korpu
na madri xintidu

na kantu borronsera
bridja dja màra baron - ta toka
perna sta torsidu
unha dja bua

na madri xintidu
kudadu dja màra kabesa
sombra dja fitxa odju
korpu dja bisti nupriti

silensio sata sakuta surtu

Sem comentários:

Enviar um comentário