sexta-feira, 6 de janeiro de 2017

Nu bem di la

É fla nos é fidju-l fomi
stória ka n-gana
       é ka sukundi

livro ka tem
pamodi papel ka skrebi
si lapizera tinha, biblia era stória

É fla nos é fidju-l fomi
korkotidu, ladridjadu
kru nunpriti - kran

riba kabesa kutelo
bentu era grã di midju

É fla nos é fidju-l fomi
trapu é favor
kobertor é luxu

sombra na txon
sinal di vivamentu

É fla nos é fidju-l fomi
riba farelu
kapúz di terra
amém era speransa la na fim

É fla nos é fidju-l fomi
stória ka n-gana
tambi  é ka sukundi